You are here

«Әйелдер жаңа әлемде: жаңа мүмкіншіліктер»

11.03.2016, 12:21   932

Версия для печатиPDF versionEPUB version

Халықаралық әйелдер мерекесі қарсаңында қалалық мәдениет үйінде аймақтық ассамблея жанындағы аналар кеңесінің мүшелері, этномәдени бірлестіктер жанындағы аналар кеңесінің басшылары мен белсенділері, «Ақ желкен» жастар лигасы жастарының қатысуымен «Әйелдер жаңа әлемде: жаңа мүмкіншіліктер» тақырыбында аналар кеңесінің форумы  өтті. Форумға облыстық «Қызыл жарты ай» қоғамы филиалының төрайымы О.Тастемірова, республикалық «Ардагерлер ұйымы»  қоғамдық бірлестігі Тараз қалалық бөлімшесінің мүшесі Л.Чикалина қатысты. Форумды Жамбыл облысы ҚХА аналар кеңесінің төрайымы М.Миражапова кіріспе және құттықтау сөзімен ашып, 2015 жылы атқарылған жұмыстар жайлы қысқаша баяндама жасады.

Аймақтық ассамблея төрағасының  қоғамдық негіздегі орынбасары  М.Тұрдыева жиналғандар алдында Қазақстан басшылығының жергілікті мемлекеттік, үкіметтік емес ұйымдарда гендрлік саясатты жүргізудегі жеткен жетістіктері жайлы баяндады. Осының негізі әйелдердің тек отбасындағы рөлі ғана емес, саясатта, әлеуметтік-экономикалық, ғылымда, мәдениетте үлкен орын алады. Гендерлік саясатты жүзеге асыруда ҚХА табысты жұмыстар жүргізіп келеді, олар Республикада бейбітшілік және қоғамдық келісімді нығайтуда үлкен беделге ие және осы жұмысты жандандыру ісіне  этностар әйелдерінің өкілдері тартылған.

Елімізде қайырымдылық жұмыстарын жүргізу ҚХА функциясына берілгендіктен, әйел қауымына жаңа мүмкіншіліктер ашылуда. Форумда «Вынхуа» дүнген этномәдени бірлестігі аналар кеңесінің төрайымы, аймақтық ҚХА мүшесі С.Даузова алғыс айту күніне  орай Астана қаласында өткен мерекеге қатысып, онда Елбасы - ҚХА төрағасы Н.Назарбаевпен кездесуден  алған әсерлері жайлы әңгімелеп берді. Құттықтау сөздерден кейін этномәдени бірлестік белсенділеріне естелік сыйлықтар тапсырылды.

Іс-шара соңында этномәдени бірлестіктер жанындағы көркемөнерпаздар ұжымдарының қатысуымен мерекелік концерт берілді.

  

Байланыс

Қазақстан халқы Ассамблеясы

Қазақстан Республикасы
010000, Астана қаласы 
Сол жағалау, Үкімет үйі

e-mail: info_rgy@mail.ru

 тел.: + 7 7172 74 12 13

          + 7 7172 74 12 15